Gruppe von Jugendlichen [cbquestionnaires_inputCode_image-alttext #]

Agid e FAQ

Eva­lu­ar pass per pass cun i-konf

Sün quista pagina esa da chattar tuot quai chi's sto savair per evaluar Sia lavur da confirmaziun i'l rom dal stüdi davart la lavur da confirmaziun 2021-2022. Ulteriuras infuormaziuns davart il stüdi sun da chattar sülla pagina d'info o sülla pagina d'internet dal proget www.konfirmandenarbeit.eu o www.kirchliche-bildung-erforschen.uzh.ch.

Schi dà listess amo dumondas o problems d'ütilisaziun cha las spiegaziuns sün quista pagina nu respuondan o schoglian, daja la pussibiltà da'ns contactar via il formular da contact o da scriver ün e-mail a info[at]konfirmandenarbeit[dot]eu.

 

Pass 1: Re­gis­tra­ziun

Registraziun sco ütilisadra/ütilisader

Per plaschair tour a cogniziun nossas cundiziuns d'ütilisaziun sülla pagina da registraziun e scriver üna adressa valabla dad e-mail. Ella/El survain ün e-mail cun ün link chi'd es da confirmar l'annunzcha. Lura esa da cliccar sül link e da dar aint ün agen pled-clav.

Uossa es Ella/El registrada/registrà sco ütilisadra/ütilisader dad i-conf e po uossa far ün'aigna retschercha.

Pass 2: Far la ret­scher­cha

1. Far la retschercha

S'annunzchar cullas datas d'access dal pass 1.

Per far üna nouva retschercha pel stüdi as riva cun ün clic sün "far üna nouva retschercha" pro ün formular ingio ch'Ella/El indichescha ün pêr detagls davart Sia gruppa da conf.

Cun far üna retschercha chatta Ella/El sper mincha chomp da dar aint ün pitschen "i" gelg. Cun cliccar sün quel vegnan dattas ulteriuras spiegaziuns davart ils singuls chomps.

Ch'Ella/El fixa ün punct da partenza e, scha pussibel, ün punct final e ch'ella/El tschercha il tip da retschercha (t1 per la prüma retschercha) ed il pajais. Ch'Ella/El ans detta implü il dret da trar a nüz Sias datas da maniera scientifica.

Pel stüdi esa amo fich important ch'Ella/El detta aint Seis code da raspada ed il nom da Sia raspada i'l sectur "Indicaziuns importantas per attribuir il stüdi". Be in quist cas pudaina attribuir Sias datas da maniera correcta.

Ch'Ella/El clicca finalmaing sün "arcunar" respectiv sün "Inavant pro l'execuziun da la retschercha"

La retschercha es uossa concepida e duos questiunaris as rechattan i'l sistem: ün pels confs ed ün pels collavuraturs.

2. Executar la retschercha

La retschercha po cumanzar subit ch'Ella/El ha cliccà sülla pagina "Retschercha" sün "Cumanzar culla retschercha" (tant pro'ls confs sco eir pro'ls collavuraturs).

Ch'Ella/El detta inavant aint il code dad 8 custabs (code da master) chi'd es da chattar sün listessa pagina, il link o il code da QR als confs resp. collavuraturs da Sia retschercha per ch'els possan as partecipar a quella. Las persunas chi's partecipeschan a la retschercha pon lura implir oura la retschercha da maniera simpla sül smartfon.

Alternativmaing daja la pussibiltà dad invidar individualmaing per e-mail  a las persunas chi's partecipeschan a la retschercha. Lapro as poja dar aint suot "Dovrar codes individuals" obain las adressas da mail da las persunas chi's partecipeschan a la retschercha da maniera singula o da telechargiar üna datoteca da CSV cullas adressas dad e-mail. Ch'Ella/El tscherna la(s) lingua(s), illa quala las persunas vegnan invidadas. Mincha persuna dumandada survain lura ün e-mail cun ün link individualisà sur il qual ella/el riva directamaing pro l'agen questiunari. Ils links nu vegnan arcunats i'l sistem ed i nu vain neir fat adöver da quels.

Üna terza pussibiltà consista chi's po (eir suot "Dovrar codes individuals") far üna glista da codes chi's po ütilisar individualmaing e telechargiar. Quists codes vegnan scumpartits a las persunas chi's partecipeschan a la retschercha: be ün code per persuna! p.ex. publichar la glista e minchün(a) stricha tras il code ch'ella/el ha ütilisà. Amo meglder esa da tagliar oura ils codes squitschats e da scumpartir ils scrittins. Il code esa da dar aint sülla prüma pagina dad i-EVAL. Davo dat aint il code vain inviada la persuna, la quala i's dumonda, automaticamaing sül dret questiunari e til po lura impir oura.

3. Serrar la retschercha

Sül Dashboard as poja verer adüna quants confs resp. collavuraturs chi han fingià respus ün questiunari o chi sun güsta landervi ("Codes in adöver").

Scha tuot ils codes sun gnüts ütilisats e per lur scopos avuonda terminats sun, as poja "Serrar la retschercha", quai cun cliccar sül Dashboard o sül simbol da serradüra chi's rechatta sülla pagina da retschercha. (I's po revochar adüna la retschercha scha p.ex. i s'annunzchan davopro confs chi vöglian implir oura amo ün questiunari.)

Davo avair serrà la retschercha as giavüscha dad Ella/El amo da far alchünas indicaziuns davart las cundiziuns da rom da la retschercha. Lura po Ella/El verer ils resultats. 

Pass 3: Eva­lu­ar ils re­sul­tats

Verer, partir e telechargiar resultats

Davo avair serrà la retschercha apparischan ils resultats da la retschercha in differentas fuormas: cun cliccar sülla dumonda giavüschada apparischa mincha jada üna grafica sco eir la media e la divergenza dal standard ed i's po exportar quistas sco datoteca in differents formats da documaints o da purtrets.

  • PDF "Tuot ils resultats": Quist documaint detaglià cuntegna üna grafica pro mincha dumonda sco eir datas-clav da statistica da basa.
  • Las datas primaras pon gnir telechargiadas sco datoteca da CSV e lura missas p.ex. in programs da statistica professiunala sco SPSS. 
  • Aint il documaint "Evaluaziun compacta" sun da chattar il riassunt dals resultats sün trais paginas. Quist savess esser la valütaziun la plü üsitada per la gronda part dals scopos.
  • La datoteca d'excel "Böts-Resultat-Congual" metta visavi directamaing ils böts dals collavuraturs a las pretaisas dals partecipants. Indicaziun: Per far quista datoteca ston esser serradas tuottas duos retscherchas (confs e partecipants).

La valütaziun compacta po gnir datta inavant sün via simpla p.ex. a la squadra da collavuraturs. Ch'Ella/El tscherna sülla pagina da resultats "Publichar la valütaziun compacta". Sch'Ella/El conferma quista tscherna vain missa la valütaziun compacta online cun ün link public. Il link as poja partir p.ex. per mail.

Per pudair verer e telechargiar ils resultats illas otras linguas esa simplamaing da müdar sur il buttun da lingua tuot a dretta sülla pagina correspundenta.