Gruppe von Jugendlichen [cbquestionnaires_inputCode_image-alttext #]

In­fos da­vart i-konf

Ba­sa dal pro­get e per­su­nas res­punsab­las

Da­vart i-konf

Uschè tira Ella/El a nüz i-konf:
Ella/El as registrescha gratuitamaing e fa lura ün nouv questiunari. Per quai daja differentas muostras: t1 s'affa pella fasa da cumanzamaint dal temp da confirmaziun, t2 per cuort avant la confirmaziun. Per questiunaris davart las spüertas da pedagogia religiusa sül s-chalin primar tscherner il questiunari "t1: Questiunari pel s-chalin primar".

Ils questiunaris davart la lavur da confirmaziun po Ella/El adattar - ch'Ella/El stricha dumondas o cumplettescha tenor bsögn.

Ch'Ella/El cumainza il questiunari cun dar aint il link o il QR-Code a las persunas chi vegnan dumandadas per til respuonder cul smartfon (alternativmaing ütilisabel eir sco questiunari sün palperi). Ch'Ella/El serra il questiunari per surgnir directamaing tuot ils resultats da Sia gruppa.

i-konf pussibiltescha ün svilup da qualità chi's basa sül rebomb: I's tratta dad incleger meglder la qualità da las spüertas da fuormaziun ecclesiastica cul intent da tilla sviluppar. Il Tool da rebomb digital e multifuncziunal pussibiltescha ün svilup da qualità da las spüertas da fuormaziun ecclesiastica per uffants e giuvenils orientà al subject:

  • Uffants e giuvenils pon dar, sur lur handy e da maniera na cumplichada, rebombs davart lur experienzas.
  • Collavuraturas e collavuraturs a temp cumplain ed in plaiv dad onur survegnan üna impreschiun davart ils rebombs dals uffants e giuvenils e quai sainza stuvair evaluar da maniera cumplichada ils questiunaris e sainza stuvair avair cugnuschentschas da perscrutaziun metodica. Ellas/Els pon implü gnir a conclusiuns i'l sen da l'auto-evaluaziun per optimar l'aigna pratcha al lö.
  • Las datas pon gnir evaluadas sül nivel local, chantunal e naziunal respectiv internaziunal. Quatras dvainta i-konf ün instrumaint chi po gnir dovrà per sviluppar la raspada e la baselgia e chi collia e promouva las spüertas da fuormaziun ecclesiasitica per uffants e giuvenils sül nivel regiunal, naziunal ed europeic.

Il con­text

Il Tool i-konf cul rebomb digital es gnü sviluppà i'l rom dal terz stüdi davart la lavur da confirmaziun in Germania ed Europa e vain ütilisà la prüma jada pella retschercha. 14 ons davo il prüm stüdi (2007/2008) e nouv ons davo il seguond stüdi (2012/2013) ha registrà il terz stüdi (2021/2022) il prüm la situaziun actuala da la lavur da confirmaziun da la vista da las confirmandas e dals confirmands e da las collavuraturas e dals collavuraturs a temp cumplain o parzial. Lapro nun as tratta però d'ün stüdi da repetiziun mo bainschi d'ün stüdi cun ün nouv chavazzin, orientà a la pratcha. Subit davo la realisaziun dal stüdi, dimena a partir da la stà 2022, sarà il Tool-Online i-conf pront gratuitamaing per l'agen adöver da tuot las raspadas interessadas.
A l'uniun internaziunala da perscrutaziun sun stats partecipats in tuot desch pajais europeics: Austria, Danemarc, Estonia, Finlandia, Germania, Norvegia, Pologna, Svezia, Svizra ed Ungaria.
Ils resultats dal stüdi gnaran probabel publichats dal 2023/24. Ulteriuras infuormaziuns chatta Ella/El suot www.kirchliche-bildung-erforschen.uzh.ch e suot www.konfirmandenarbeit.eu.

 

Res­punsa­bels pel pro­get

La direcziun generala dal proget svizzer tant pel stüdi da confirmaziun sco eir pel stüdi davart las spüertas pedagogicas-religiusas sül s-chalin primar, ha Prof. Dr. Thomas Schlag (Facultà teologica da Turich). Il stüdi vain realisà in collavuraziun cun PD Dr. Stefanie Lorenzen (Facultà teologica da Berna) e Dr. Rahel Voirol-Sturzenegger (Refbejuso). Coordinatura dal proget es Fabienne Greuter (Facultà teologica da Turich). La realisaziun dal stüdi vain sustgnüda finanzialmaing da maniera generusa da la conferenza da las baselgias da la Svizra tudais-cha (KIKO) – grazcha fich!

La direcziun dal proget tudais-ch e la coordinaziun dal proget internaziunal surpiglian pella part cooperativa e'l scumpart da la lavur prof.dr. Wolfgang Ilg (Scoul'ota evangelica a Ludwigsburg) e prod. dr. Henrik Simojoki (Università da Humboldt a Berlin). La coordinaziun scientifica fa Manuela Hees (Scoul'ota evangelica a Ludwigsburg). Finanzià vain il proget da maniera partecipativa da las baselgias europeicas respectiv baselgias tudais-chas partecipadas - quistas ultimas insembel cul Institut Comenius e la Baselgia evangelica da la Germania.

Per dumondas ed intimaziuns a reguard il stüdi Tilla/Til sta a disposiziun Fabienne Greuter (fabienne.greuter[at]uzh[dot]ch).

Per dumondas ed intimaziuns sta a disposiziun ad Ella/Els la coordinaziun dal proget suot info[at]konfirmandenarbeit[dot]eu.

Ulteriuras infuormaziuns a reguard il stüdi sun da chattar suot www.kirchliche-bildung-erforschen.uzh.ch e suot www.konfirmandenarbeit.eu.  

Il svilup dal Tool-Online i-konf es gnü sviluppà in ün process da svilup cumünaivel insembel cun las paginas d'internet www.i-eval.eu (per inscunters internaziunals da giuvenils) e www.i-eval-freizeiten.de e cullas organisaziun partenarias chi sun nomnadas là. Lapro ha pustüt il ministeri federal per famiglia, seniors, duonnas e giuvenils fat promoziun finanziala.