Gruppe von Jugendlichen [cbquestionnaires_inputCode_image-alttext #]

in­fos par­ten­ent i-konf

Ba­sa e re­s­pons­ab­la­dad

par­ten­ent i-konf

i-konf possibilitescha in svilup da qualitad sin basa da resun: Ei va persuenter da capir meglier la lavur da confirmands cun l`intenziun da sviluppar tala. Il tool da resun multifuncziunal digital  possibilitescha in svilup da qualitad orientaus al subject dalla lavur da confirmands:

  • Confirmandas e confirmands san dar in resun a moda nuncumplicada sur lur telefonin pertuccont lur experienzas duront la lavur da confirmands.
  • Colluvreras/colluvrers principalas/principals e colluvreras/colluvrers honorificas/honorifics san survegnir in`impressiun dils resuns da confirmandas/confirmands senza evaluar questiunaris da resun cumplicai resp. cun lavur a maun e senza savida da metodas da scienzia, ed ei san – el senn dad in`autoevaluaziun – trer conclusiuns per optimar l`atgna practica el liug.
  • Las datas san vegnir evaluadas sin nivel local, cantunal, naziunal resp. internaziunal. Cheutras daventa i-conf in instrument che sa vegnir duvraus pil svilup da vischnaunca e da baselgia e che porta vinavon la lavur da confirmands sil nivel local, regiunal, naziunal ed europeic en fuorma da reit.

La ba­sa

Il tool da resun digital i-konf ei vegnius sviluppaus el rom dalla tiarza studia dalla lavur da confirmands en Tiaratudestga ed ell`Europa e vegn duvraus per l`emprema ga per l`enquista. 14 onns suenter l`emprema (2007/2008) e nov onns suenter la secunda studia (2012/2013) cumpeglia la tiarza studia (2021/2022) per inaga la situaziun generala actuala dalla lavur da confirmands ord vesta dallas confirmandas e dils confirmands e dallas colluvreras/colluvrers principalas/principals e honorificas/honorifics. Ei setracta denton buca dad ina studia che serepeta el senn stretg, mobein igl ei in`entschatta orientada expressivamein alla practica. Perquei che gest suenter la realisaziun dalla studia, pia naven da primavera 2022, vegn il tool dad i-conf a star a disposiziun gratuitamein per  tuttas pleivs interessadas. La studia parziala tudestga cumpeglia tuttas baselgias digl EKD e duei esser representativa per mintgina dad ellas. Ella societad da perscrutaziun internaziunala separticipeschan en tut diesch tiaras europeicas: Danemarc, Tiaratudestga, Estonia, Finlanda, Norvegia, Austria, Pologna, Svezia, Svizra ed Ungaria.

Re­s­pons­ab­las/re­s­ponsa­bels pil pro­ject

La direcziun dil project tudestg e la coordinaziun dil project internaziunal schaian en fuorma cooperativa ed en fuorma da partizipaziun da lavur els mauns da prof. dr. Wolfgang Ilg (Evangelische Hochschule Ludwigsburg) e prof.dr. Henrik Simojoki (Humboldt-Universität zu Berlin). Coordinatura scientifica ei Manuela Hees ( Evangelische Hochschule Ludwigsburg). Finanziaus vegn il project partizipativ entras las baselgias partizipadas resp. Dallas baselgias tudestgas – lezzas communablamein cun igl institut Comenius dalla baselgia evangelica en Tiaratudestga.

Per damondas ed impuls stat la coordinaziun da project sut info[at]konfirmandenarbeit[dot]eu a Vus a disposiziun.

Ulteriuras informaziuns pertuccont la studia ein d`anflar sut www.konfirmandenarbeit.eu.

Il svilup dil tool-online dad i-konf ei vegnius elavuraus en in svilup communabel ensemen cun las paginas www.i-eval.eu (für internationale Jugendbegegnungen) e cun www.i-eval-freizeiten.de cun las organisaziuns da partenadi numnadas leu. Leutier ha ei dau  in sustegn finanzial specialmein entras il ministerium dil stat per famiglias, seniors, dunnas e giuventetgna.